بەپێی تویژینەوەیەكی شیكاريی لەسەر دۆخی ڕاگەیاندن لە هەرێمی كوردستان، دەركەوتووە لە كوردستان مێدیا بوونی نيیە و ئەوەی هەیە ڕاگەیاندنە سیاسیەكانە بۆ شەڕی ڕاگەیاندن و گەیاندنی پەیام ناردن بۆ یەكتر و ئاراستەكردنی ڕایگشتی بەكاری دەهێنن ئەمەش چەند كورتە ئهنجامێكی توێژینەوەكەیە:
١- بزوتنەوەی گۆڕان لە ساڵی ٢٠٠٩ ڕاگەیاندنەكانی بە تیڤی و دیجتاڵ میدیاكەیەوە زۆرترین كاریگەریان لەسەر هاوڵاتیان هەبووە تا ساڵی ٢٠١٣.
٢- دوای ساڵی ٢٠١٣ راگەیاندنی پارتی بووە بە یەكەم ڕاگەیاندنی كاریگەر لە ڕێگەی كەناڵەكان و ئەكاونت و پەیجەكانی تۆڕە كۆمەڵایەتیيەكانەوە.
٣- سۆشیاڵ مێدیای شاسوار عبدالواحید و نەوەی نوێ لە ساڵی ٢٠١٦-٢٠١٨ لە پلەی یەكەمدا بوون لەگەڵ جیاوازیەكی كەمدا لەگەڵ سوشیاڵ میدیای پارتی دا.
٣- لە ساڵی ٢٠١٨ تا ئێستا سۆشیاڵ میدیای باڵێكی یەكێتێ بەهێزترین ڕاگەیاندنی كوردیيە و زۆرترین كاریگەريی لەسەر هاوڵاتیان هەیە، بە جۆرێك لە ڕێگەی ٦٤٣ پەیجی فەرمی و كاریگەرەوە پەیامەكانی خۆی دەگەیەنێت و دەستی بەسەر ٦٤% سۆشیاڵ میدیادا گرتووە.
٤- لایەنە ئیسلامیيەكان ( یەكگرتوو - كۆمەڵ- بزوتنەوە) سستترین هێزی ڕاگەیاندن و سۆشیاڵ میدیان تەنها لە سەدا ٦% هێزی سۆشیاڵ میدیايان لە ژێر دەستدایە و هێزە شاراوەكانی وەك مەلا كرێكار و چەند ڕاگەیاندێكی ئەلیكترۆنی ( سۆشیاڵ مێدیا) لە هى هێزە سیاسیيە ئیسلامیەكان بەهێزترە.
٥- لە ئێستادا سۆشیاڵ مێدیای پارتی و گۆڕان و هێزە ئیسلامیيەكان لە قەیرانی كاریگەريی و هێز و متمانە و خۆینەردان، لە بەرامبەردا سۆشیاڵ مێدیای باڵێكی یەكێتی نیشتیمانی كوردستان خاوەنی سوپایەكی ئەلیكترۆنی بەهێزە كە كاریگەری زۆری لەسەر هاوڵاتیان هەیە.
٦- بەپێی توێژینەوەكە بینەری تیڤیەكان لە پشت بەستن بەهەواڵەنیان بە ڕێژەی سەدا ٢١% كەمیكردوە لە ماوەی ساڵی ٢٠١٦-٢١٠٩.
٧- بەپێی ئەنجامەكان سەدا ٨٣% خوێنەران كەوتونەتە ژێر كاریگەريی هەواڵی ناڕاست ( فەیك نیوز) باوەڕیان پێهێناوە.
لە ئێستادا سۆشیاڵ مێدیای پارتی و گۆڕان و هێزە ئیسلامیەكان لەقەیرانی كاریگەری و هێز و متمانە و خۆینەردان و لەبەرامبەردا سۆشیاڵ مێدیایی باڵێكی یەكێتی
- چوارچێوەی توێژینەوەكە پێنج پارێزگا ( هەولێر - سلێمانی- كەركوك - دهۆك- هەڵەبجە) شاری (سنە و قامیشلۆ و ئامەد) و كوردانی دەرەوەی وڵات بووە، لە كۆێ ١٦ هەزار پەیج و ئەكاونتی تۆڕە كۆمەڵایەتیيەكان كە پڕ بینەر و پڕ خوێنەر ترینن، ٣ هەزاریان بە نمونە وەرگیراون كە بۆ شەڕی ڕاگەیاندن و ئاراستەكردنی ڕایگشتی بەكارهێنراون له ماوهی ساڵانی ٢٠٠٩-٢٠١٩ بە نمونە وەرگیراوە.
تێبینی/ توێژینەوەكە د.ئامانج شێرڤان و هاوڕێكانی لە دیسكی عێراق و كوردستانی (ناوەندی ڕۆژهەڵاتی ناوەڕاست بۆ لێكۆڵینەوەی ستراتیژيی)، ئەنجامیان داوە، لهسهر رێگهپێدانی ئهوان ئهم كورتهیهمان بڵاوكردهوه.