وا بڕیاربوو پێش کۆتایی ساڵی ۲۰۱۳ کۆنگرەی نەتەوەیی کوردستان بە ئامادەبوونی ۷۲ حزبی و ۱۱٤ ڕێکخراوی هەر چوارپارچەی کوردستان لە هەولێر ببەسترێت.
بڕیاربوو هەریەک لە هێزەکانی باشوور و ڕۆژهەڵات و ڕۆژا ئاوا (٥) کاندیدی بۆ دانرێت، باکوریش (٦) کاندید، سەر ئەنجام پاش دەست بەکاربوونی لیژنەکان، بەهۆی کێشە و گرفتەگەلی زۆر و زەوەند، هێزەکان نەیانتوانی کۆنگرە ببەستن و ئەم کارە سەرکەوتوو بکەن.
کۆنگرەی نەتەوەی گەر بکرێت و سەرکەوتووبێت، ڕۆڵی گەورەی دەبێت لە یەکخستنی گوتاری نەتەوەیی کوردستان و دەربازبوون لە پەرش و بڵاوی و چارەسەرکردنی کێشە و گرفتەکان،گوتارێکی یەکگرتوو بەپەیوەندیەکی دۆستانەو نیشتیمانی دروستدەکات، شەڕی ساردی ڕاگەیاندنی نێوان لایەنەکان کەم بکاتەوە، پەیوەندی وهەماهەنگی ئەمنی نێوان لایەنە کوردێکان بەرێتە پێش و لەئاستی میدیاو دیبلۆماسیدا یەکگردوتر هێزەکان نیشانبدات.
بێگومان سەرکەوتینی کۆنگرە، نەیاری زۆریشی بۆ پەیدادەبێت و هەوڵی تێکدانی دەدەن، وڵاتانی ناوچەکەو بەتایبەت ئێران و تورکیا زۆر دژی ئەم هەنگاوەن، کەم و زۆر کاریگەریان هەیە لەسەر کۆنگرە.
ـــ ڕۆڵی کۆنگرەی نەتەوەی، لەبەرامبەر" مەترسییەکان لەسەر کورد کامانەن"؟
ــ قەیرانی سوریا و داهاتووی کورد لەو ناوچەیە.
ــکورد و پاکتاوی ئیتنی لەلایەن تورکیاوە.
ــ باشووری کوردستان لە قۆناخی لێکەوتکانی ڕیفراندۆم و ۱٦ی ئۆکتۆبەردا.
ــ قەیرانی داعش و داهاتووی باشووری کوردستان.
بۆچی لەباروودۆخی پڕ دژواری گەلی کورد لە ماوەی دەیان ساڵی ڕابردوودا و بەتایبەت لەئێستادا، هێزە کوردێکان مل نادەن بۆ بەستنی کۆنگرە
باروودۆخی باشووری کوردستان بۆ کۆنگرەی نەتەوەیی چۆنە؟
باشوور ڕەنگە بە حوکمی پێگەی سیاسی و تاڕادەیەکی زۆری سەربەخۆیی و بوونی حوکومەتێک و بونیادنانی هێزی پێشمەرگە و فیدڕاڵی هەرێمی کوردستان، تاڕادەیەک جیاواز بێت لەپارچەکانیتر، هەربۆیە ڕەنگە هەندێکجار هێزە گەورەکانی باشوور ( یەکێتی و پارتی) وا دەبینرێت، کە دەیانەوێت هەیمەنەو هەژموونی زۆرتر بکەن بەسەر کۆنگرەی نەتەوەیی و داوای ئیمتیازی زۆرتر بکەن، یان وەک ماڵی یەکەمی هێزەکان سەیر بکرێت، واتا باشوری کوردستان سەبارەت بە کۆنگرەی نەتەوەیی چەندین لایەنی پۆزەتیڤ و نێگەتیڤی هەیە، کە ئەمانەن:
یەکەم: باشوور نابێت، پێگەی کۆنگرەی نەتەوەیی، وەکو ئامڕازێکی دیبلۆماسی هەرێم لەگەڵ وڵاتانی دراوسێ بەکاربهنێت، واتا بە قازانجی دوو لایەنی هەرێم و ئەو وڵاتانە بچێتە پێش، بەڵکو دەبێ بۆ یەک ڕیزی هەر چوار پارچەکەبێت.
دووەم: هێزەکانی باشور نابێت خۆیان وەکو خزبی دایک نیشانبدەن و باس لەمەسەلەی ئاشتی بەشێوەیەک بکەن، کە داواکاریە بۆهێزەکانی پارچەکانی تر بەڵکو پێویستە پێشنیار بێت، ئەگەر دەرفەت هەبوو( چوونکە لەڕابردوودا، داواکاری وەها بە داماڵینی چەک هاتبوو، نیگەرانی دروستکرد بوو).
سێیەم: ئەو پێشنیارەی باشوور هەڵەبوو، کەداوایکرد ۳٥٪ ی ئەندامانی کۆنگرە، ئەندامی ڕێکخراوەکانی مەدەنی بن، کە ڕۆژهەڵات دەرفەتی وەهای ئەو لەخۆی نیشانبدا.
چوارەم: گیروگرفتە ناوخۆیەکانی باشووری کوردستان وەک ململانێی پارتی و چوار لایەنی تر، کاریگەری قەیرانی دارای، شەڕی داعش و گرفتی زۆرتر، بێگومان لە ئێستادا ناتوانێت کۆنگرەکە سەرکەوتوو بێت، گەر ئەم قەیرانانە چارەسەر نەکات.
پێنجەم: بوونی هێزەکانی تورکیا لەسنورەکانی حکومەتی هەرێم، گرفێکی گەورەیەو، ئەوە لەکاتێکدا باسی هێرش بۆسەر هێزەکانی HPG دەکرێت لەشەنگال و پەیوەندێکان PKK و PDK لەوەڕی خراپی خۆیدایە.
شەشەم : خاڵێیکی گرنگ کەڕووی نێگەتیڤی کۆنگرەی نەتەوەی مردنی مام جەلال و شەهید د. قاسملۆ لەڕۆژهەڵات، عەبدڵا ئۆجەلان لەباکوور.
حەوتەم : گرفتی سەرەکی PDK لەگەڵ زۆری لایەنەکانی باشوور، ڕۆژئاوا و باکوور، فاکتەرێکی فرە نێگەتیڤە کە یارمەتی بەستن و سەرکەوتنی کۆنگرە نادات، بۆیە دەبێت پێشتر پەیوەندێکانی ئاسایی بکاتەوە، دەست لەو بۆوونە هەڵبگرن لەگەڵ پەکەکە کە سەرۆکایەتی کۆنگرە بۆ خۆیان قۆرەخ بکەن.
هەشتەم : کۆنگرەی نەتەوەیی پێویستە مەترسێکانی سەر باشوور باش لێکبداتەوە لە بابەتی شەڕی داعش، ململانێی شیعی- سووننی، مەترسی داهاتووی حەشدی شەعبی لەسەر هەرێم، مەترسی سەرهەڵدانەوەی شەڕ و قەیرانی نێوان باشوور و بەغدا و لەسەر ناوچە جێناکۆکەکان بە تایبەت لەگەڵ حەشدی شەعبی.
نۆیەم: باشوور نابێت مەسەلەی ڕیفراندۆم و سەربەخۆیی بکاتە کارتی فشار لەگەڵ بەغدا، هێندەی دەبێت ئەزموونی سۆدان و باشووری سۆدان دووبارە بکاتەوە، لەگەڵ ئەوەشدا ڕیفراندۆم و سەربەخۆیی کوردستان پێویستی بە پشتیوانی هەموو هێزەکانی تر هەیە، کە مەسەلەیەیک چارەنووسزاز و گرنگە.
دەیەم : بوونی نزیکەی ٤۰ کۆنسوڵگەری وڵاتان لەهەولێر، یەرمەتیدەرە بۆ ڕوونکردنەوەی بارودۆخی سیاسی کوردی باشوور و پشتیوانیکردنیان.
یازدە: تادێت دەستێوەردانی وڵاتانی ناوچەیی لەباشوو زیاتر دەبێت، بەتایبەتی دوای پرسی ڕیفراندۆم لە ۲٥ی ۹ی ۲۰۱۷ و پشت تێکردی ئەمریکا و خۆرئاوا، لەم دۆخەدا بەستنی کۆنگرەی نەتەوەیی گەلێک گرنگە. هەروەها دەبێت سنورێک بۆ دەستێوەردانی پەکەکە لە کارووباری باشووری کوردستان دابنرێت کە لە کۆتایی ۲۰۱۷ زۆرتر هەستی پێدەکرێ و زۆری ش مەتسیدارە. .
کۆنگرەی نەتەوەی و بارودۆخی ڕۆژئاوای کوردستان:
ڕۆژئاوای کوردستان، بچوکترین پارچەی کوردستان و فەرامۆشکراوترین پارچەی کوردستان تا پێش ڕوداوەکانی بەهاری عەرەبی و قەیرانەکانی سوریا لە ۲۰۱۱، کەمتر باسی کورد و ڕۆڵی هێزەسیاسیەکان دەکراو تەنانەت ڕژێمی حافز و بەشار مافی پێدانی ناسنامەشی لێ سەندبونەوە.
بەڵام ڕوداوەکانی بەهاری عەرەبی و قەیرانی سوریا. وەرچەرخانێکی گەورە ڕوویدا، قازانجی خۆرئاوای کوردستان، لەمبارەیەوە نوسەرێکی خۆرئاوای دەڵێت: کورد لە نەوەکانەوە دوو فیشەکی تەقاند یەکەم: ڕاپەڕینی ۱۹۹۱ ــ دووەم سەربەخۆبونی ڕۆژ ئاوای کوردستان لە ۲۰۱۱، بێگومان بۆچونێکی درووستە.
ڕۆژئاوای کوردستان کە ئێستا لەلایەن پارتی یەکێتی دیموکراتی سوریا PYD بەڕێوەدەبرێت، كە درێژکراوەی PKK و سیاسەتەکانی ئەوە.
جیا لەوەی لەسەرەتای ڕوداوەکانی سوریا ڕۆڵی گەورەی نواند و زوو کنتڕۆڵی ناوچە کوردنشینەانی کرد و چەکدارەکانی ژنان و پیاوانی شۆڕشگێڕ لەژێرناوی هێزەانی یەکێنەکانی پاراستنی گەل YPG.
بەڵام حکومەتی ڕۆژ ئاوای کوردستان، کە PYD بەڕێوەی دەبات کێشەو گرفتی زۆری هەیە لەناوخۆدا لەگەڵ هێزەکانی ناو (ئەنەکەسە) و ململانێیەکی توند و دژوار هەیە، کە درێژکراوی سیاسەتی پڕ ناکۆکی نێوان پەکەکە و پارتی و کاریگەری لەسەر ڕۆژئاوای کوردستانیش داناوە.
بۆیە دەکرێت لایەنە پۆزەتیڤ و نێگەتیڤەکەنی ڕۆژئاوای کوردستان ئاوها لێکبدرێتەوە:
یەکەم: ڕۆژئاوای کوردستان قۆناغێکی ژێڕینی بڕی و بەدەستهێنا، لەدوای قەیرانی سوریا ڕووداوەکانی بەهاری عەرەبی لە ساڵی ۲۰۱۱، کە خۆی لەخۆبەڕێوەبەری حکومەتی خۆرئاواو کانتۆنەکانی دەبیێتەوە، بەڵام ئێستا لەهەرکات زیاتر مەترسی گەلەکۆمەکی تورکیا، سوریا و ئێران لەسەرە.
ـــ لە ۹ی ئۆکتۆبەرەوە هێرشەکانی تورکیا بۆسەر ڕۆژئاوای کوردستان دەستی پێکرد، بەبیانووی پاکردنەوەی تیرۆر لەناوچەکەو ئامانجی سەرەکیش بریتیە لە پاکتاوکردن و سڕینەوەی شوناسی نەتەوەی کورد...
دووەم: پارتی PDK لەڕابردوودا، بەهۆی لایەنگری لە (ئەنەکەسە)- ئەنجومەنی نیشتیمانی کوردی سوریا، کە هێزی سێبەر و دۆستەکانی پارتین، دژایەتی زۆری ڕۆژئاوا کرد، چ سیاسی، چ سەربازی، چ میدیایی، بە لێدانی خەندەق و ڕێگری لەپێگەیشتنی خزمەتگوزاری و چەک و تەقەمەنی، ئەمە کاریگەری لەسەر کۆنگرەی نەتەوەیی دەبێت.
سێیەم: گوستنەوە ململانێکانی پارتی و پەکەکه لەقەندیل و هەولێر بۆ ڕۆژئاوا، کاریگەری خراپی لەسەر ڕەوشتی سیاسی ڕۆژئاوا هەیە.
چوارەم: تاکڕەوی حکومداری و خۆبەڕێوبەری PYD لە ڕۆژئاوا، گرفتێکی بەردەم پێکهاتنی هێزە سیاسێکان لە ڕێکەوتنی دهۆک و هەولێر.
پێنجەم: دیوێکی پۆزەتیڤی خۆبەڕێوبەری خۆرئاوا بەشداری پێکردنی (ئیتنیک، کەمینە و مەزهەبەکانی تری غەیرە کوردی ناو ڕۆژئاوا، لەبابەتی( مەسیحی، عەرەب، جەرکەس ، ئاشووری، یەزیدی)کان لەحکومەت و سیستەمی سیاسی و عەسکەری خۆرئاوا.
شەشەم: داعش گەورەترین مەترسیە لەسەر ڕۆژئاوا، ئێستاش مەترسی داعش بەتەواوەتی لەسەر ڕۆژئاوا نەڕەویوەتەوە.
حەوتەم: نەرمی نواندن و تنازلی تورکیا بۆ ئێران و ڕوسیا و دەستهەڵگرتنی لەڕوخانی بەشار ئەسەد، بەمەبەستی داوایەکە، کە ئێران و ڕوسیا دەست لە دەست لەپشتیوانی خۆرئاوا هەڵگرن و تورکیا گەورەترین مەترسیە لەسەر ئەزموونی ڕۆژئاوا.
هەشتەم: ئەنەکەسە مەترسی ئەوەی لێدەکرێت شەڕێکی ناوخۆیی لە ڕۆژئاوا لەگەڵ پەیەدە هەڵگیرسێنێت بە دەستێوەردانی پارتی و شەڕی ناوخۆی، کە دەیەی نەوەدەکان لە باشوور لەنێوان یەکێتی و پارتیدا ڕوویدا.
نۆیەم: ڕۆژئاوا هێشتا سێ پارێزگا سەرەکێکەی یەکگرتونین، بەهۆی باری تۆبۆگرافیاو جیۆگرافیای ناوچەکەوە و تورکیا هەوڵدەدات ئەمکارە نەکرێت، بەڵام بەیەکگەیشتنی خاڵێکی بەهێزە بۆ ڕۆژئاوا.
دەیەم: ڕۆژئاوا لەئاستی ناوچەیی لەپاڵ بلۆکی شیعەدایە، کە ئێرانە، بەڵام لەسەر ئاستی نێودوڵەتی هاوسەنگی باش ڕاگرتووە لەنێوان ئەمریکاو ڕوسیادا، کەئەمەش سیاسەتێکی دروستە.
یازدە: کۆنگرەی نەتەوەیی کوردستان بۆ پشتیوانی لە ڕۆژئاوا زۆر گرنگە، بەڵام پێش کۆنگرە دەبێت هەم پەکەکە و پارتی، هەم پەیدە وئەنەکەسە، کێشەکانیان چارەسەر بکەن ئەنجا بێتە کۆنگرە، وەک هەموو پارچەکانی تر، ئەگەر نا کۆنگرە ناتوانێت سەرکەوتووبێت.
باروودۆخی باکووری کوردستان چۆنە بۆ کۆنگرەی نیشتیمان؟
باکور وەکو یەکەم پارچەی گەورەی کوردستان ڕۆڵی گەوره لە سیاسەتی کوردستان و لە کۆنگرەی نەتەوییدا گرنگە، کە زۆرتر لە پارتی کرێکارانی پەکەکە PKK خۆی بەرجەستە دەکات،بەڵام هێزی تریش دەکرێت بەشداربن لە کۆنگرەی نەتەوەیی. باکور لەئێستادا بە قۆناغێکی سەخت و دژواردا تێپەڕ دەبێت، کەپێوستی بە لەسەر وەستانی زۆرتر هەیە.
یەکەم: پڕۆسەی ئاشتی پاشەکشەی کردووە، جەنگ و شەڕێکی سەخت لەنێوان ئەنکەرەو قەندیل بەڕێوەدەچێت، کە مەترسی گەورە بوونی لێدەرکرێت، بۆیە کۆنگرەی نەتەوەیی و یەکێک لەکارەکانی دۆزینەوەی چارەسەر یان پشتگیری خەباتی ڕەوای باکورە.
دووهەم: شەڕی باکور بیانووی داوەته ئەنکەرە ۆ قەتڵ و عامی باکورو ڕەشبگیری هاوسەرۆکان و سەرکردەکانی HDP و زیندانیکردنیان، ئەمەش خەباتی باکور قورستر و قەیران و کێشەتر دەکات.
سێیەم: پەکەکە دەبێت، کێشەکانی خۆی لەگەڵ پارتی بە ئاشتی چارەسەر بکات و دەستبدەنە دیالۆگ، واز لەسیاسەتی هەمووشت بێنێ چ لەسەر ئاستی باکوور و ڕۆژئاوا و ڕۆژهڵات، چونکە وتاردانی ئایدۆلۆژی مجرد، سەرکەوتوو نابێت.
چوارەم: باکوور لایەنی بەهێزی کۆنگرەی نەتەوەییە کوردستانە،بەڵام تورکیا دوژمنی پلە یەکی کوردستان و هێزەکان و کۆنگرەی نەتەوەییە، دەبێ هێزەکان و بەتایبەت پارتی ئەمە بزانێت.
پێنجەم: غیابی عبدوڵڵا ئۆجەلان، کاریگەری نێگەتیڤی دەبێت لەسەر کۆنگرەی نەتەوەیی، هاوشێوەی غیابی مام جەلال.
شەشەم: گواستەنەوەی خەباتی چەکداری بۆ نــاو شارەکان، لەساڵی ۲۰۱٦ کارێکی هەڵەو سیاسەتێکی ڕاستە نەبوو، چونکە دەستی ئەنکەرەی ئاوەڵاکرد بۆ تێکەڵاوکردنی خەباتی چەکاری خەڵکی سڤیل بەناوی تێرۆر، کەنابێت دوبارە بکرێتەوە.
حەوتەم: هەلومەرجێک هەیە لەباکوور بۆ خەباتی مەدەنی و پەرلەمان، گەر لەژێیر مەترسی و هەڕەشەشدا بێت، دەبێت سوود لەم بارودۆخە وەربگرێت و ڕێگا نەدرێت بە یەکجاری لەبار بچێت،وە پشتیوانی باکور بکرێت بۆ دەرهێنانی پەکەکە لەیستی تیرۆری نێودەوڵەتی و ئازادکردنی ئۆجەلان لە زیندان.
هەشتەم: دیبلۆماسیەیی بەربڵاوی و بوونی میدیایەکی زەبەلاحی پەکەکە، کە نزیکەی ۱۰ کەناڵی سەتەلایتی هەیە، یارمەتیدەری باشە بۆ پشتیوانی لە گوتاری بەکگرتووی کوردی و کارەکانی کۆنگرەی نەتەوەیی.
نویەم: پەکەکە هێزێکی چەکداری ڕاهێنراوی هەیە ( هێزەکانی پاراستنی گەل -HPG) دەکرێت سود لەتوانای ئینسان وخەباتی گەریلای ئەو وەربگرێت بۆ پشتیوانی پارچەکانی تری کوردستان .
باردۆخ لە ڕۆژهەڵاتی کوردستان چۆنە، بۆ ئەنجام گەیاندنی کۆنگرەی نەتەوەیی؟
کەوتۆتە ژێر دەسەڵاتی کۆماری ئیسلامی ئێرانەوە، کانگای شۆڕش و تێکۆشانە لە سەد ساڵی ڕابردوودا بەتایبەتی لە دەیەی هەشتاکاندا هێزە کوردییەکن حوکمی ڕۆژهەڵاتیان کرد و خاوەنی کۆماری کوردستانە لەمهاباد لەسەر دەستی قازی محەمەد.
بەڵام لە بەدوای هاتنە سەرکاری کۆماری ئیسلامی، ململانێکانی کورد و ئێران ڕۆژ بە ڕۆژ پەرەیسەند، تا ئێستاش بەردەومە.
ڕوژهەڵاتی کوردستان خاوەنی دەیان هێزی حزبی تێکۆشەری نەتەوەیی و چەپ و ئازادی خوازە لە ۲۰۱٥بەناو ئامادەکاری بۆ کۆنگرەی نەتەوەی لە هەولێر (٥) کورسیان پێدراوبوو لەکۆی (۲۱) کورسێکە، بەڵام بەهۆی گرفت و ململانێی نێوان هێزە قەدییمەکان و پژاک، کێشە کەوتە نێوانیانەوە بەرەی پژاک و خەبات و پاک، پێنج تریان بە پیلانگیڕیان تۆمەتبارکرد، کە گوایە دوو حزبی دیمووکرات و سێ کۆمەڵەکە، لەدەفتەری سیاسی حزبی دیموکراتی کوردستانی ئێران کۆبونەتەوە لەکۆیە، تەنها خۆیان بە نوێنەری ڕۆژهەڵات داناوە ئەو هێزانەی تریان پەراوێز خستوە.
تا گەیشتە دەخالەتی پەکەکە، پژاک کورسی پێدرا.
ئەو پێنج لایەنە ڕاگەیاند " ئەوەی ئێمە کردومانە، پرۆسەی دیموکراسی بووە ئەون لەدەنگدان دەرنەچوون."
جیا لەوانە ململانێی چەند هێز لەمانە لەگەڵ پژاک هتڵدەگەڕێتەوە، بۆ ئەو بۆچوونەی حزبی دیموکراتی کوردستانی ئێران (حدکا) و کۆمەڵەی شۆڕشگێڕ و زەحمەتکێشانی ککوردستانی ئێران ( کشزکا)، کە پژاک بەلایەنی ئەساسی و سەرەکی ڕۆژهەلات نازانن و بە دروستکراو و داتاشراوی پەکەکەی دەزانن و پێنوایە نابێ پەکەکە کوێخا بۆ پارچەکانی تر دابتاشێت.
جیا لەوەش گرفتێکی سەرەکی ناو سازمان و هێزە سیاسێکانی ڕۆژهەڵات نامونسجی و نایەکگرتووییە، کە تائێستا نەیانتوانیوە ( بەرەیەکی کوردستانی ڕۆژهەڵات) دروستبەکەن.
بۆیە ڕەنگە هەلومەرجی سیاسی ئێستای کوردستان بە تایبەت بۆ ڕۆژهەڵات باشترین دەرفەت بۆ بەستنی کۆنگرەی نەتەوەیی لەژێر ئەو فاکتەرانە، سەرەڕای دیوە پۆزەتیڤ و نێگەتیڤەکانی ڕۆژهەڵات:
یەکەم: هێزە ڕۆژهەڵاتێیەکان، بەدوای ڕاپەڕینی ۱۹۹۱ی باشور، وەکو هێزگەلی ئورگانیش ناسراون و خەباتی چەکداریان هەڵپەساردوە.
دووەم: دوو دیموکرات و سێ کۆمەڵە، کە ناوبەناو هەوڵی یەکگرتنەوە دەدەن، بەڵام نەگەیشتونەتە ئاکام، چونکە حزبی دیموکراتی کوردستان ساڵی ۲۰۰٦ لە حزبی دیمووکراتی کوردستانی ئێران- دایک جیابۆتەوە.
کۆمەڵەی زەحمەتکێشانی کوردستان لەساڵی ۲۰۰۷دا لە کۆمەڵەی شۆڕشگێڕی زەحمەتکێشانی جیـابـۆوە، ئەمیش ڕێکخراوی کوردستانی - خزبی کۆمەنیستی ئێران کۆمەڵە لە ۲۰۰۰دا جیابۆتەوە.
سێیەم: تیرۆر ، یەکێکە لەو هەڕەشانەی بەردەوام زەربەی گەورەی لەسەرکردە و کادرو پێشمەرگەکانیان داوەو توانیوێتی کاریگەری نێگەتیڤ لەسەر ڕەوشی سیاسی، کارێزماتیکی ئەو حزبانە دابنێت، تیرۆریی ( د.قاسملۆ، شەرەفکەندی ، سەدیق کەمانگەر، غوڵام کەشاوەرز) زیاتر لە ۳۰۰ پێشمەرگەو کادریان.
چوارەم: دانانی کاریگەری سیاسەتی یەکێتی و پارتی لەسەر هێزەکانی ڕۆژهەڵات، وادەکات پارتی و یەکێتی مامەڵەی دۆست و نەیار لەگەڵ بەشێک لەم هێزانە بکەن، بۆنموونە پارتی ڕێگە نادات تاێستاش بارەگای حزبی کۆژەنیستی ئێران ( کۆمەڵە) لە هەولێر بکرێتەوە، بەبیانووی جیاواز جیاواز.
پێنجەم : هیزەکانی ڕۆژهەڵات، هەنێکجار بە گومانەوە سەیری کۆنگرەی نەتەوەیی دەکەن، کە بۆ داماڵینی چەک بێت لەم هێزانەو زۆریش نیگەران لەبەشداری ئێران لەکۆنگرە وەک میوان.
