شۆڕش خالید
چەند زانیارییەك لەسەر رێككەوتنی هەولێر و بەغدا لەبارەی ئاساییكردنەوەی دۆخی شنگالەوە
ـ رێككەوتنەكە دەسەڵاتی حكومەتی فیدراڵ لە شنگال بەهێز دەكات
ـ پۆلیس ناوەندی شار دەپارێزێت
ـ هێزە چەكدارەكان 5كم دەچنە دەرەوەی شارەكە
ـ ئیدارەیەكی نوێ دادەنرێت، هێشتا كاندید یەكلایینەكراوەتەوە.
ـ ئامانج لێی گەیاندنی خزمەتگوزاریی و دواتر گەڕانەوەی ئاوارەكانە. چونكە ئێستا دوو قایمقام هەیە، دانەیەكیان پارتییە و مۆرەكەی لایە و نزیكەی سێ ساڵە لە دهۆكە و نەگەڕاوەتەوە شنگال، قایمقامەكەی تر لەناو شنگالە و حكومەتی عیراق و هەرێم بە ناشەرعی ناودەبەن.
ـ سبەی دژی رێككەوتنەكە لە ناوەندی شنگال خۆپیشاندان دەكرێت. بڕیاری خۆپیشاندانەكە دوای كۆبونەوەی ئەنجومەنی خۆبەڕێوەبەری دیموكراتی شنگال دێت.
ـ ئەو ئەنجومەنە بۆ ئیدارەدانی قەزای شنگال پێكهێنراوە و بیروبۆچونیان نزیكە لە پەكەكە-وە.
ـ یه‌كینه‌كانی به‌رخودانی شنگال (یه‌به‌شه)، كە ئێستا تاڕادەیەكی زۆر ئیدارەی قەزاكەیان بەدەستەوەیە و رۆلیان هەبوو لە كۆنترۆڵكردنەوەی شنگال لەدەستی داعش لە ساڵی 2015، هەڵوێستان لەگەڵ هەڵوێستی ئەنجومەنی خۆبەڕێوەبەری دیموكراتی شنگالە، واتە ئەوان رەتیبكەنەوە، ئەمانیش پاڵپشتییان دەكەن.
ـ ئەو ئەنجومەنە دەڵێت خەڵكی شنگال ئاگاداری رێككەوتنە نین، بۆیە رێگەنادەن ئیدارەی نوێ دەستبەكاربێت.
حكومەتی هەرێم دەڵێت خەڵكی شنگال ئەو ئاوارانەن كە تائێستا لە كەمپەكانی دهۆكن و لەو رێككەوتنەدا هەرێم نوێنەرایەتی ئەوانی كردووە و رازین.
با بزانین چی رودەدات؟
