ئارام عەلی عەزیز
دڵی زەمین، لانكەی شارستانیەت، شوێنی یەكەمین وشە و یەكەمین یاسا و یەكەمین خانەی مەعریفە، عێراقە عێراقە عێراق.
عێراق بەرماڵی حەزرەتی ئادەمی گەورە و باوكمانە، كە تیایدا كڕنووشی سوپاسگوزاری لە میحرابی چیای سنجار بۆ خودا بردو یەكەمین ماڵی خودای لە ( بكە ) بنیاتنا " إِنَّ أَوَّڵ بَیْتٍ وُضعَ لِلنَّاسِ ڵلَّذی بِبَكَّەَ مُبَارَكًا ۆهُدًی لِلْعَاڵمِینَ، كە یەكەم باوكی یەكەمین خێزان و یەكەم مامۆستای ئوممەت و یەكەم جوتیاری سەرزەمین و یەكەمین مرۆڤی ئاقڵ و بە تەدبیر بوو.
عێراق بەهەشتی ئادن و سەرزەمینی میعاد و لانكەی شارستانیەت و ئومێدی مرۆڤایەتیە. بەهەشتی عەدەنە، وەك حەزرەتی محەممەد (د.خ ) فەرمویەتی:" سێ رووبار لە بەهەشتەوە هەڵدەقوڵێن، دیجلە و فورات و نیل ". درێژكراوەی ئاوی سازگاریشی میوانان و حاجیانی ماڵی خودا لە لای كەعبەی موشەرەف ئاودێر دەكات و پاكیان دەكاتەوە لە سەرەتای دەستپێكردنی یەكەم مەناسیك لە رێوڕەسمی زیارەتی ماڵی خودادا.
سنجار ( جودی) عێراق پیرۆزە، چونكە شوێنی گیرسانەوەی كەشتیەكەی حەزرەتی نوحە ( نارام سین ) (د.خ )، پەناگەی حەزرەتی عیسای ئیمامی ئاشتەواییە، سەرزەمینی نێردراو پێغەمبەرانە، سنجار، ئەو كێوەیە یەكەمین جار ئایاتی قورئانی پیرۆزی لەسەر دابەزی لە هاتنەخوارەوەی یەكەمدا، كە لە مبارەیەوە خودای پیرۆزو موتەعال فەرمویەتی: " ۆبِالْحَقِّ أَنزَلْنَاهُ ۆبِالْحَقِّ نَزَڵ "، بە یەقین دامانبەزاندە سەر حەزرەتی ئادەم و دووتوێی داخرایەوە، بە یەقینیش نێردرایە خوارەوە بۆ حەزرەتی محەممەد و بڵاوكرایەوە.
عێراقمان پیرۆز بوو كاتێك رۆشنایی خودا تەججەلی كردەسەر قۆپەكانی چیای سنجار لە رۆژی نەورۆزی یەكەمین جەژنی مرۆڤایەتی لە شەمەهی بەهارداو، دواتریش بۆ جاری دوەم خودا تەججەلی كردە سەر حەزرەتی موسا لە كێوی سینادا، لەو بارەیەوە لە قورئانی پیرۆزدا هاتووە: (وَالتِّينِ وَالزَّيْتُونِ (1) وَطُورِ سِينِينَ (2) وَهَذَا الْبَلَدِ الْأَمِينِ). 
ئێمەی گەلی عێراق پێشینەی مێژوویی و فكریی و ئامانجی پەلاماریی ئەمریكا و هاوپەیمانەكانی تێدەگەین و دەشمانزانی هەمووی لەسەر خاكی سۆمەر و ئەكەد و بابل تێكدەشكێن و فەشەلیشیان هێنا
هەر لە سایەوسێبەری سنجاریشدا یەكەمین ئەكادیمیا و خانەی فێربوونی زانست و مەعریفە لەسەر هێڵی حەزرەتی ئادەم لە "علم الاسماء " بنیاتنرا، كە هاوسەنگی گێڕایەوە لە نێوان روحی و مادی و گەنجینەی مرۆڤایەتی بە دەستوری قانون نەخشاند. هەر لەم سنجار و عێراقە نەفرەت لە ئیبلیس كراو خۆیی و كۆمەڵەكەی لە بەهەشتی عەدەن شاربەدەركران، بە بەردی ئەقسا یەكەمجار و بە بەردی رەشی كەعبەی پیرۆزیش دوەم جار روجم كرا.
ئەمڕۆیش گاوانەكانی ئەوپەڕی ئۆقیانووس و ئەنگلۆسەكسۆن و ئەعرابە ناعەرەبەكان لە ژێر ناوونیشانی جیاجیا پەلاماری عێراق دەدەن، هەردوو دراوسێشمان ئێران و توركیا ئاومان لێدەگرنەوە. ئێمەی گەلی عێراق پێشینەی مێژوویی و فكریی و ئامانجی پەلاماریی ئەمریكا و هاوپەیمانەكانی تێدەگەین و دەشمانزانی هەمووی لەسەر خاكی سۆمەر و ئەكەد و بابل تێكدەشكێن و فەشەلیشیان هێنا، بەڵام ئەوەی مایەی سەرنجە هەڵوێستی دەرودراوسێكانی عێراقە، بە تایبەت هەردوو دەوڵەتی توركیا و ئێران، كە خۆیان بە موسڵمان دادەنێن و پیرۆزیی ئایینی و مێژوویی و شارستانیی و رۆڵی پێشڕەوانەی ئایندەی عێراقیش لە ناوچەكە و جیهاندا دركپێدەكەن، كەچی دێن ئاوی عێراق، ئاوی ئەو بەهەشتەی ناوی هاتوە بە بەهەشتی ئادەم دەگرنەوە، چەندین بەنداو و بەربەستی گلدانەوە و گرتنەوەی ئاویان لەسەر رووبارەكان دروستكردوەو خاكوخەڵكی عێراقیان دووچاری تێنوێتی كردۆتەوە.
جێی خۆیەتی لێرەدا سەرگوزەشتەیەكی عەبدولموتەلیبی باپیرەی پێغەمبەری گەورە و سەروەرمان محەممەد ( د.خ ) بگێڕینەوە كاتێك ئەبرەهەی حەبەشی هێرشی مەككەی پیرۆز دەكات بۆ تێكدانی كەعبەی موشەڕەف، سوپاكەی ئەبرەهە حوشترەكانی عەبدولموتەلیب دەبات، عەبدولموتەلیبیش دێت و بە دوای فەرماندەی ئەو لەشكرەدا دەگەڕێت تا حوشترەكانی بگەڕێَنێتەوە، ئەبرەهەیش پێیدەڵێ: من فەرماندەی ئەو لەشكرەم تۆ هاتوی داوام لێبكەیت كەعبە نەڕوخێنم؟ لە وەڵامدا عەبدولموتەلیب دەڵێ: ( انا رب الإبل وللبیت رب یحمیه ) نەخێر من خاوەنی حوشترەكانم و بەیتیش خوای خۆی ( خاوەنی خۆی ) هەیە و دەیپارێزێت، ئینجا دواتر وەكو لە قۆرئانی پیرۆزدا هاتوە باڵندەی ئەبابیل بە بەردباران وەڵامی هێرشەكەی سوپاكەی ئەبرەهەیان دایەوە و هەموویان تەفروتونا كردن. ئێمەی عێراقیش دەڵێین: دیجلە و فورات خوا دەیانپارێزێت ( وللجنە رب یحمیها ) وەك عەرەبیش گوتەنی: ( وإن غدا لناظره قریب ).
