19ی ئه‌م مانگه‌ توركیا چی ده‌كات ؟

توركیا.. ڕابەرایەتی بلۆکی سوننە لە ڕێگەی ئاو و ڕووبارەكانه‌وه‌

ماڵپه‌ری پۆله‌تیك 2020.05.14 06:36 PM
792 جار خوێندراوەتەوە

ماڵپه‌ری پۆله‌تیك

میدیایه‌كی بابه‌تیی بێلایه‌نه‌

پەیڕەو ئەنوەر
پڕۆژەی بیرکردنەوە لە <ئاو> لە تورکیا وەک رێگایەک بۆ زاڵبوون، گەماڕۆدانی نەیار و بێدەنگکردنی بەرامبەر لەگەڵ کۆماری تورکیادا دێتە کایەوە! سەرەتا ئاو وەک کەرەستەیەکی جیۆپۆلەتیکی پلانی بۆ دادەنرێت، ئەتاتورک ئاو وەک دامەزراوەیەک دەبینێت بۆ تەواوکردنی تورکیای هاوچەرخ! 
پڕۆژەی گاپ / رۆژهەڵاتی ناوەڕاستی ئەنادۆڵ دەبێت بە کەرەستەکی جیۆئیکۆنۆمی بۆ خۆسەپاندن بەسەر دەوروبەردا، وادیارە تورکیا دەستی کردووە بە دروستکردنی وێستگەیەکی کارەبایی گەورە لەسەر رووباری دیجلەدا.
ئەم رووداوە لە کۆمەڵێک ئاست رەنگدانەوەی دەبێت: گەماڕۆدانی عیراق، بوژانەوەی ئابووری تورکیا لە ڕێگەی ئاو و کارەباوە، رابەرایەتیکردنی بلۆکی سوننە لە لایەن تورکیاوە لە ڕێگەی ئاو، دەریا و ڕووبارەوە.

به‌نداوی ئه‌لیسۆ

 

ئەم وێستگەیە لەسەر بەنداوی <ئه‌لیسۆ> لە باشووری تورکیا بونیاد دەنرێت، دیارە راستەوخۆ کاریگەریی لەسەر ڕووباری دیجلە لە عێراقدا دەبێت.
تورکیا لێرە وەک ناوەند قسە دەکات! عێراق وەک پەراوێز، عیراق بۆ تورکیا وەک بازاڕ، سەرچاوەی هێزی هەرێمیی و باڵابوون دەبینرێت. ئاو ئەو پڕۆسەیە خێراتر دەکات.
پڕۆژەکە ١٩ی ئەم مانگە دەستپێدەکات، شەش تۆرباینی گەورە لەسەر بەنداوەکە جێگیر دەکرێت.
پڕۆژەکە لە ساڵی ١٩٩٧ وە و لەسەردەمی <نەجمەددین ئەربەکان/باوکی ئیسلامی سیاسیی لە تورکیا> بڕیاری لەسەردراوە.
دیارە ١٩٩ گوند بەهۆی ئەم پڕۆژەوە ژێر ئاو دەکەوێت، پڕۆسەکە وەهایە کە تێکچوونی گوندەکان خەڵکەکە ناچار بەکۆچ بکات بەرەو شار، دەسەڵات لە شار باشتر دەتوانێت سوژەی سیاسی دروستبکاتەوە.

رووباری دیجلە رۆژ دوای رۆژ لە کەمبوونەوەیە له‌ ناوچه‌ی موسڵ

 

خودی بەنداوەکە / ئه‌ڵیسۆ لە ٢٠٠٦ دەست بە دروستکردنی کراوە، بڕیارە مانگی حوزەیرانی ٢٠٢٠ تەواوبێت سەرەڕای بەرهەمهێنانی کارەباکە. پڕۆژەکە لە سنووری شرناخ و مێرینە. وادەردەکەوێت موسڵ زەرەمەندی یەکەم بێت! ئاوی رووباری دیجلە رۆژ دوای رۆژ لە کەمبوونەوەیە.
تورکیا دەیەوێت ئاو بە تەواوی بگۆڕێت بۆ کەرەستەیەکی سیاسی! کارتی فشار وەک چۆن لە کۆتایی نەوەدەکاندا لەبەرامبەر سوریا بەکاریهێنا بۆ دەرپەڕاندنی ئۆجەلان.
لە ڕاستیدا تورکیا بیر لەوە دەکاتەوە ئاو بکات بە جێگرەوەی نەوت، ئاو لە بەرامبەر ئاسایش، ساڵانی داهاتوو <ئاو و ئاسایش> دەبن بە دوو بونیادی زاڵ لە سیستمی هەرێمی ناوچەکە، دابینکردنی ئاسایش لە ڕێگەی ئاو، ڕۆڵی ئاو، گرنگی دەریا ... هتد

 


دوایین بابەت

زۆرترین خوێندراو

  • ڕۆژ
  • هەفتە
  • مانگ