مورته‌زا لاخانى (murtaza lakhani ) ناوێكى دیارى نێو كه‌رتى نه‌وتى هه‌رێمى كوردستان و جیهانه، ناوبراو به‌ڕیتانیه‌و به ره‌گه‌ز پاكستانییه، خاوه‌ن و سه‌رۆكى كۆمپانیاى فرۆشیارى نه‌وتى هه‌رێمه به‌ناوى ( IMMS )، ناوبراو هه‌ر له‌سه‌ره‌تاى هه‌نارده‌كردنى نه‌وتى هه‌رێمه‌وه، یه‌كێك بووه له ده‌ڵاڵه‌كانى فرۆشى نه‌وتى هه‌رێمى كوردستان و به‌هۆیه‌وه سامانێكى گه‌وره‌ى ده‌ستكه‌وتووه.
ئه‌و كۆمپانیایه له‌ماوه‌ى سێ مانگى رابردوو، رووبه‌رووى كێشه بۆته له‌گه‌ڵ "مید بانكى" لوبنانى و له ئێستاشدا ئه‌و بانكه ( 1 ملیار دۆلار) پاره‌ى ئه‌و كۆمپانیایه‌ى بلكۆك كردووه، ئه‌و بلۆكردن و ده‌ستبه‌سه‌رداگرتنه‌ش دواى ئه‌وه دێت، كه به‌هۆى قه‌یرانى دارایى و كه‌مبوونه‌وه‌ى پاره‌ى نه‌ختینه له بانكه‌كانى لوبنان، له‌سه‌ر فشارى خۆپیشانده‌ران و بڕیارى حكومه‌تى لوبنان، هه‌موو جۆره تحویل و بردنه ده‌ره‌وه‌ى دراوى یۆر و دۆلار بۆ ده‌ره‌وه قه‌ده‌غه‌كرا.
مورته‌زا له 9ى مانگى مانگى رابردوو، داواى وه‌رگرتنه‌وه‌ى ئه‌و پاره‌یه‌ى كردۆته‌وه، بانكه‌كه‌ش له‌ماوه‌ى سێ رۆژدا وه‌ڵامیانداوه‌ته‌وه، به‌وه‌ى كه ناتوانن ئه‌و پاره‌یه‌ى بده‌نه‌وه و پابه‌ندن به یاسا و رێنماییه‌كانى وڵاتى خۆیان، ناوبراویش له دادگاكانى لوبنان سكاڵاى تۆماكردووه‌و داواى قه‌ره‌بوو ده‌كات.
هه‌رچه‌نده له ساڵى 2017ه‌وه گرێبه‌ست له نێوان هه‌ریه‌ك له "BankMed " و كۆمپانیاى "Imms" هه‌یه، به‌ڵام دواى ئه‌وه‌ى حكومه‌تى لوبنانى قه‌ده‌غه‌ى كردووه هه‌موو جۆره دراوێكى دۆلارو یۆرۆ له رێگه‌ى بانكه‌كانى ئه‌و وڵاته بچێته ده‌ره‌وه، ئه‌گه‌ر سه‌رچاوه‌كه‌ى دیار نه‌بێت، هه‌ر بۆیه‌ش ئه‌و حكومه‌ته گومانى هه‌یه له‌وه‌ى ناوبراو خاوه‌نى ئه‌و داهاته بێت به ته‌نها و گومانیشیان بۆ ده‌چێت ئه‌و پاره‌یه هى چه‌ند شه‌خسێكى نێو هه‌رێم بێت، له نێوشیان ئاشتى هه‌ورامى و به‌رپرسى پله یه‌ك و باڵا له هه‌رێم.
مورته‌زا له 9ى مانگى مانگى رابردوو، داواى وه‌رگرتنه‌وه‌ى ئه‌و پاره‌یه‌ى كردۆته‌وه، بانكه‌كه‌ش له‌ماوه‌ى سێ رۆژدا وه‌ڵامیانداوه‌ته‌وه، به‌وه‌ى كه ناتوانن ئه‌و پاره‌یه‌ى بده‌نه‌وه
به‌پێى رێنمایى و یاساكانى وڵاتى لوبنان ئه‌گه‌ر حكومه‌تى هه‌رێمى كوردستان خۆى بخاته خاوه‌نى ئه‌و پاره‌یه و دواى ئه‌وه‌ى ئه‌وان دڵنیاده‌بنه‌وه له گه‌یشتنى پاره‌كه بۆ هه‌رێم، ئه‌گه‌رى زۆرى هه‌یه ئه‌و پاره‌یه بده‌نه‌وه، به‌ڵام تاوه‌كو ئێستا هیچ كه‌س خۆى نه‌كردۆته خاوه‌نى ئه‌و پاره‌یه و مورته‌زاش بۆته واجیهه‌ى بابه‌ته‌كه.
ئاشتى هه‌ورامى كه ئێستا یاریده‌ده‌رى سه‌رۆكى حكومه‌ت بۆ كاروبارى وزه زۆربه‌ى ده‌سه‌ڵاته‌كانى لێسه‌ندراوه‌ته‌وه، به‌ڵام حساباتى نه‌وتى لاماوه و ئه‌و ده‌ڵاڵه‌ش یه‌كێكه له هاورێ نزیكه‌كانى ناوبراو .
ئه‌و كێشه گه‌یشتۆته میدیا ئه‌مریكى و جیهانییه‌كان، به‌ڵام ئه‌وه‌ى تاوه‌كو ئێستا روون و شاراوه‌یه، ئه‌و پاره‌یه كه بڕه‌كه‌ى یه‌ك ملیار دۆلاره و ماوه‌ى نۆ مانگه له‌و بانكه‌یه و تاوه‌كو ئێستاش سه‌دا 6.5 سوو( فائیده)ى هاتۆته سه‌ر و ئێستا گلدراوه‌ته‌وه هى حكومه‌تى هه‌رێمى كوردستانه ؟ یاخود هى مورته‌زاو ئاشتى هه‌ورامى و چه‌ند شه‌خسێكى دیكه‌ى هه‌رێمه ؟ ئه‌گه‌ر ئه‌و پاره‌یه هى مورته‌زایه چۆن له‌ماوه‌یه‌كى كه‌مدا كۆمپانیایه‌ك ئه‌وه‌نده قازانجى ده‌بێت ئه‌وه‌شى پرسیارى به‌رپرسانى بانكه‌كه‌شه ؟ئه‌گه‌ر ئه‌و پاره‌یه هى مورته‌زایه چۆن له‌ماوه‌یه‌كى كه‌مدا كۆمپانیایه‌ك ئه‌وه‌نده قازانجى ده‌بێت ئه‌وه‌شى پرسیارى به‌رپرسانى بانكه‌كه‌شه ؟
